Wat waas 't weer sjiek! We höbbe genaote van ein geweldig seizoen!

Hoogtepuntje ware onger angere:

De verrassing van de Stadsgarde in Remunj (kiek nao de foto).

Mit heel de Pinnenhaof van LINKS nao RECHTS biej 't Kistkappe in Neijwiert!

De frikkedelle en krokette van Jos in Zjwame. Oh en de zaal waas aug fantasties!

't Losbarste van ein hagelbuuj wiej Fabrizio nao ozze set de bühn op ging mit Roetewisser op 't Lindeplein in Broenssem!

"Nao 't Zuuje" zinge mit ein jongedame van ein jaor of 7 (sjat ich) in de Maaspaort in Venlo! Haet eemes ein filmpke hiej van? Stuur door estebleef!

't mit 30 man same danse biej Geraats in Gratem!

De verjäördig van Keup biej Braam in Remunj.

En zo zeen we vas nog väöl sjieke momente vergaete te vermelde.

Tot volgendj jaor!

Op maondig vleege we nao Venlo metein door nao Grathem om dao de kachel aan te make biej zaal Geraats.

We beginne rondj 21.30.

Maondig zeen we in de Maaspaort in Venlo.

Dao vange we de Vastelaovesvierders op die nao de optocht in aafwachting zeen van de priesoetreiking.

Veer spele 2 sets tusse 15.30 en 18.00 oer.

Angere muzikale ekts op dat podium op maondig: Neet Um Aan Te Huùre en Van Gelder

Veur de 3e keer alweer lekker swinge op 't Lindeplein veur de Brikke Aove in Broenssem.

't Is boete, dus werm aandoon!

Programma start om 14.00, veer spele 2 sets tusse 15.30 en 18.00.